KAMËZ– Një shtetas 32-vjeçar është arrestuar ditën e sotme në Kamëz. Mësohet se arrestimi i tij ka ardhur pasi i riu akuzohet për vjedhje dhe djegien e një mjeti.
Policia bën me dije se i arrestuari gjatë muajit shkurt të këtij viti dogji një automjet, tentoi të digjte një mjet tjetër dhe vodhi një monopatinë.
Ngjarjet janë regjistruar në data 2, 4 dhe 9 shkurt në Babrru dhe Kamëz. Vijojnë hetimet për zbardhjen e plotë të veprimtarive të tjera kriminale që mund të ketë kryer i riut. Materialet procedurale i kaluan Prokurorisë, për veprime të mëtejshme.
NJOFTIMI I PLOTË I POLICISË:
Kamëz/Finalizohet operacioni i koduar “Feedback”.
Gjatë muajit shkurt 2025, dogji një automjet, tentoi të digjte një automjet tjetër dhe vodhi një monopatinë, kapet dhe vihet në pranga 32-vjeçari.
32-vjeçari, me precedent të theksuar kriminal në fushën e vjedhjes dhe fushën e narkotikëve.
Sekuestrohen 2 maska, 2 jelekë multifunksionalë si ato të Policisë dhe 1 shkop bejsbolli, që i posedonte ky shtetas në banesë.
Specialistët për Hetimin e Krimeve të Komisariatit të Policisë Nr. 5, si rezultat i veprimeve hetimore të kryera në kuadër të operacionit “Feedback”, për zbardhjen e djegies së një automjeti, kanë identifikuar, kapur dhe vënë në pranga shtetasin:
I. Gj., 32 vjeç, banues në Paskuqan.
Nga veprimet hetimore të kryera në kuadër të operacionit dyshohet se ky shtetas:
-më datë 09.02.2025, në Babrru, ka djegur automjetin e shtetasit A. M.;
-më datë 04.02.2025, në Babrru, ka tentuar të djegë automjetin e shtetasit A. H;
-më datë 02.02.2025, në Kamëz, ka vjedhur një monopatinë.
Vijojnë veprimet hetimore për zbardhjen e plotë të veprimtarisë kriminale të këtij shtetasi.
Materialet procedurale i kaluan Prokurorisë, për veprime të mëtejshme./Radar.al