Mediat ndërkombëtare kanë sjellë në fokus pasurinë dhe pronat e Mojtaba Khamenei, djali i dytë i ish-liderit suprem të Iranit, Ali Khamenei. Raportime nga media izraelite dhe perëndimore pretendojnë se ai është zgjedhur për të marrë drejtimin e vendit pas vdekjes së babait të tij gjatë sulmeve të fundit ndaj Iranit.
Megjithatë, autoritetet në Iran nuk kanë bërë ende një njoftim zyrtar për emërimin e tij në krye të vendit.
Pasuri dhe prona në Londër
Sipas një investigimi të Bloomberg, Mojtaba Khamenei zotëron dy apartamente luksoze në zonën e Kensington në London, me pamje nga Embassy of Israel in London. Vlera e këtyre pronave thuhet se tejkalon 50 milionë paund.
Apartamentet ndodhen pranë Kensington Palace, rezidenca zyrtare e Prince William dhe Catherine, Princess of Wales.
Raporti shton se Khamenei, 56 vjeç, i zotëron këto prona që nga viti 2014 dhe përmes një kompanie të regjistruar në Isle of Man thuhet se ka në pronësi edhe 11 shtëpi luksoze në zonën Hampstead në veri të Londrës. Portofoli i tij ndërkombëtar i pasurive të paluajtshme vlerësohet në qindra milionë paund.
Dyshime për aktivitete spiunazhi
Fakti që disa prej pronave të tij kanë pamje direkte nga ambasada izraelite ka ngritur shqetësime për sigurinë, pasi disa analistë kanë spekuluar se mund të jenë përdorur për aktivitete survejimi.
Këto dyshime janë shtuar pas arrestimit të katër personave në veri të Londrës nga autoritetet britanike, të dyshuar për spiunazh në favor të shërbimeve iraniane të inteligjencës. Sipas raportimeve, të arrestuarit dyshohet se kishin monitoruar zona dhe institucione hebraike, përfshirë sinagoga dhe komunitete fetare.