Një ditë e qetë verore në një plazh në Francë u shndërrua brenda pak minutash në kaos, pasi një stuhi e papritur e njohur si “galerne” goditi bregdetin me erëra të fuqishme dhe një rënie të menjëhershme të temperaturës.
Pamjet e filmuara në plazhin Antai tregojnë momentin kur fenomeni meteorologjik përfshin zonën, ndërsa pushuesit vrapojnë për t’u larguar dhe për të siguruar sendet e tyre. Era e fortë ngriti në ajër çadra, peshqirë, dërrasa surfi dhe objekte të tjera, duke krijuar skena paniku.
Sipas raportimeve, temperatura ra me 11 gradë Celsius në vetëm gjashtë minuta, ndërsa kushtet atmosferike ndryshuan në mënyrë drastike.
Fenomeni “galerne” karakterizohet nga një rënie e menjëhershme e temperaturës dhe erëra të forta veriperëndimore. Ai shfaqet në brigjet perëndimore të Francës, kur ajri i ftohtë që vjen nga Gjiri i Biskajës përplaset me ajrin më të ngrohtë mbi tokë, duke krijuar erëra që mund të arrijnë shpejtësi deri në 95 km/h.
Qindra turistë u panë duke mbledhur me nxitim sendet e tyre dhe duke kërkuar strehim, ndërsa shumë prej tyre e përshkruan përjetimin si “surreal”.
“U errësua papritur, u mbush me re dhe mjegull”, tha një grua, ndërsa një tjetër pushues e cilësoi fenomenin si “diçka që nuk e kishim parë kurrë më parë”.
A spectacular #galerna, a sudden cold Atlantic wind typical of the Bay of Biscay, in mere moments swept across the vast beach of #Hendaye, France, causing a temperature drop of more than 15 °C. 🇫🇷🌬️🌡️ pic.twitter.com/YaC5n0JVmV
— Omne Europa (@neolatyno) July 13, 2026