Kryetari i Komunës së Prishtinës njoftoi se ka nënshkruar vendimin për të siguruar transportin për veteranët e Ushtrisë Çlirimtare të Kosovës që do të marrin pjesë në protestën gjithëkombëtare më 17 tetor në Tiranë.
Ai theksoi se vendimi shpreh respekt institucional dhe mirënjohje kombëtare për ata që kontribuuan në lirinë e vendit:
“Veteranët tanë nuk janë vetëm pjesë e së kaluarës, por pjesë e ndërgjegjes sonë kombëtare. Prishtina do të mbetet shembull i respektit institucional dhe i kulturës politike.”
Kreu i kryeqytetit shtoi se nderimi për veteranët, familjet e dëshmorëve dhe kujtesën e luftës është një detyrim moral i përbashkët:
“Me nderim të thellë për të gjithë veteranët dhe familjet e dëshmorëve, shihemi në Tiranë. Ju takon respekti i një kombi të tërë.”