NJë konflikt i rëndë ka ndodhur në një familje në Divjakë, Lushnjë. Dy vëllezër janë konfliktuar me njëri -tjetrin dhe sherri ka degjeneruar në përdorimin e armëve.
Ngjarja ka ndodhur në Fier-Seman njësia administrative Gradishtë, bashkia Divjakë. Dy vëllezërit Zarif dhe Shpëtim Konja janë konfliktuar fillimisht me grushte dhe më pas Zarifi ka qëlluar me armë ndaj vëllait.
Të shtënat nuk e kanë prekur Shpëtimin, ndërkohë pasi ka qëlluar me armë, autori është larguar me shpejtësi.
Policia ka shkuar menjëherë në vendngjarje, ku ka sekuestruar armën e gjahut tip karabinë dhe katër gëzhoja. Një mjet i parkuar në anë të rrugës dhe tenda e një lavazhoje gjithashtu janë qëlluar me armë.
Policia ka shoqëruar për të sqaruar rrethanat Shpëtim Konjën, ndërsa po pyeten edhe persona të tjerë që kanë parë ngjarjen.