Kryetari i Bashkisë së Himarës, Vangjel Tavo, ka zhvilluar një takim në zyrën e tij me kampionin e njohur olimpik të peshëngritjes, Pirro Dhima, i cili ka origjinë nga Himara dhe mban në rekordet e tij katër medalje olimpike.
Tavo e cilësoi Pirro Dhimën si një figurë të jashtëzakonshme të sportit ndërkombëtar, që e ka bërë Shqipërinë dhe komunitetin e tij krenar kudo në botë. Gjatë takimit, ata biseduan për rolin e sportit, rëndësinë e mbështetjes së të rinjve dhe nismat që ndihmojnë në forcimin e komunitetit dhe identitetit himariot.
“Është gjithmonë frymëzuese të takosh personalitete që mbartin vlera, përkushtim dhe histori suksesi,” u shpreh Tavo, duke vlerësuar kontributin e Dhimës në sport dhe frymën motivuese që ai përcjell te brezat e rinj.