Shqipëria do të mbetet edhe sot nën ndikimin e masave ajrore të qëndrueshme dhe të nxehta, duke sjellë mot kryesisht të kthjellët në të gjithë vendin.
Sipas parashikimit të Shërbimit Meteorologjik Ushtarak, vranësira të pakta kalimtare do të shfaqen vetëm në zonat malore të veriut dhe lindjes së territorit.
Temperaturat maksimale do të arrijnë deri në 38°C, ndërsa në qytetet kryesore parashikohen këto vlera:
- Bajram Curri: 20°C / 35°C
- Kukës: 20°C / 36°C
- Peshkopi: 18°C / 35°C
- Shkodër: 22°C / 38°C
- Lezhë: 26°C / 37°C
- Durrës: 24°C / 37°C
- Tiranë: 26°C / 38°C
Era parashikohet të fryjë nga kuadrati i perëndimit me shpejtësi mesatare 7 m/s, ndërsa në det valëzimi do të jetë i forcës 1-2 ballë.
Burimi: Shërbimi Meteorologjik Ushtarak (SHMU).