Vendimi i qeverisë për të ulur çmimin e energjisë elektrike u pasua me një sërë reagimesh nga politikanë të njohur shqiptar.
Ndër ta u spikat reagimi i demokratit Bardhi i cili u shpreh se me këtë vendim Rama dhe Balluku po tallen me qytetarët.
Më tej ai që u spikat ishte reagimi i drejtori të Web-it të “Vizion Plus-it”, Emirjan Senja i cili ironizonte se mbas kësaj fshihej diçka, sepse qeveria shqiptare nuk kishte pse të ulte çmimin pikërisht me 1 lekë.
Reagimi I Plotë I Emirjon Senjos:
Nuk është dhe aq kot ky vendimi për uljen e çmimit të energjisë elektrike pavarësisht arsyeve. Fasha nën 800 kë/h prek pjesën dërrmuese të konsumatorëve familjarë. Në një faturë 500 kë/h përkthehet një ulje çmimi me ~11%.
Diskutimi është pse 1 lek dhe jo 1.5 psh.
Për t’u patur në vëmendje është rivendosja e fashës, edhe pse s’duan ta quajmë ashtu .
Vendimi vjen në vazhdën e disa vendimeve të mëparshme të ngjashme nga natyra, siç ishin rritje pagash, shpërblimet për pensionistët, apo abonetë.
Dmth që qeveria ka marrë sinjale që shtresat më të ardhura të ulta dhe të mesme, s’po mbajnë më.
Më poshtë po sjell një histori të shkurtër, thënë nga pronari i një kompanie private shumë vite më parë teksa punonjësit i kërkonin pagat e prapambetura:
Ishte njëherë -tha ai- një xhandar gjatë viteve “30 që kishte marrë borxh prej një tregtari të fisshëm. Kaloi një muaj, dy, tre, kaluan vite, dhe ai s’po ia kthente borxhin.
Një moment, tregtari guxon dhe ia kërkon borxhin xhandarit dhe ai iu përgjigj: T’i kum! (dmth ta njoh borxhin).
Një në dy, xhandari thoshte “t’i kum”, por lekë nuk jepte.
Tregtarit i humbi durimi dhe insistoi një moment, dhe xhandari iu kthye me nerva: -Ore, une po të them t’i kum, se të them edhe s’ti kum fare!
-mbaroi historinë ai.