Forcat e Armatosura të Ukrainës kanë kryer një valë sulmesh me dronë në territoret ruse, duke goditur ndërmarrje të industrisë së mbrojtjes dhe objekte infrastrukturore.
Një nga objektivat kryesore ishte fabrika Arzamas në rajonin e Nizhny Novgorod, e specializuar në prodhimin e sistemeve optike, elektronike dhe naviguese për automjete ushtarake, avionë dhe raketa. Kjo fabrikë ndodhet rreth 759 kilometra larg kufirit me Ukrainën.
Guvernatori rajonal, Gleb Nikitin, njoftoi se gjatë sulmit një punonjës i fabrikës humbi jetën, ndërsa dy të tjerë u plagosën dhe po marrin trajtim në spital.
Në rajonin e Tulës, një tjetër sulm me dronë ukrainas goditi një ndërmarrje civile, ku dy persona humbën jetën dhe tre të tjerë u plagosën, sipas autoriteteve lokale.
Ndërkaq, në natën e së dielës, rafineria e naftës Saratov në jugperëndim të Rusisë u godit gjithashtu nga një sulm me dronë.
Radar.al