Një prej emrave më të mëdhenj të Giro d’Italia 2025, çiklisti spanjoll Mikel Landa, ka përfunduar jashtë gare pas një rrëzimi dramatik në Tiranë.
35-vjeçari i skuadrës Soudal–Quick Step u rrëzua rëndë në kthesën e fundit të etapit hapëse, pranë zonës së Freskut, duke u përplasur me një shtyllë dhe përfunduar mbi trotuar. Landa u largua nga vendngjarja me barrelë dhe u dërgua me urgjencë në spital.
Diagnoza zyrtare: frakturë në vertebrën T11, një dëmtim serioz që e detyron të ndërpresë menjëherë pjesëmarrjen dhe të hyjë në fazë të gjatë riaftësimi.
Skuadra e tij njoftoi se vendimi për transportimin e tij drejt Spanjës do të merret pas vlerësimeve të mjekëve në Tiranë.
Rënia e Landa-s është një humbje e madhe për garën dhe për skuadrën, pasi spanjolli konsiderohej një nga pretendentët kryesorë për podiumin e këtij edicioni të Giro d’Italia.
Caída durísima de Mikel Landa cuando tan solo quedaban 5 kilómetros para el final de la etapa
Pinta feo, muy feo #GirodItalia pic.twitter.com/XZJQIEvBSu
— Eurosport.es (@Eurosport_ES) May 9, 2025