Detaje të reja kanë dalë në pah nga gjendja shëndetësore e kryepeshkopit Anastas Janullatos, i cili u shtrua në spital më 30 dhjetor.
Sipas medias greke Protothema, mësohet se Kryepeshkopi 95-vjeçar është transportuar në Athinë për mjekim të specializuar.
“Sipas informacioneve, ai do të transportohet nga një ekip i personelit mjekësor të EKAV-it, ndërsa pritet të shtrohet në spitalin “Evangelismos”,”-raporton media greke, ndërsa shkruan:“Megjithatë, gjendja e tij konsiderohet nën kontroll, ndërsa sipas raportimeve ai ka pësuar hemorragji gastrike.”
Kisha Orthodhokse Autoqefale e Shqipërisë njoftoi më 30 Dhjetor shtrimin në spital të kryepeshkopit për shkak të “një viroze sezonale”.