TIRANË– Sot ka folur në emisionin “Me zemër të hapur” në Neës 24, vëllai i Melisa Trëndafilit e cila u dogj me benzinë nga bashkëshorti i saj Bledar Trëndafili.
Ai ka deklaruar se ndarja erdhi pasi Bledari e braktisi 31-vjeçaren në Tiranë me dy fëmijët e tyre të mitur dhe nuk i hapte as telefonin.
Vëllai i Melisës thotë se e kanë ndihmuar dhëndrin kur kanë qenë në burg, pasi ka qenë i zhytur në borxhe.
“Kishin 10 vjet të martuar. Motra ka qenë shtatzënë. Ai ka qenë në burg. Mamaja ime ka mbajtur fëmijët. Fëmijët erdhën në jetë pas martese. Ai kur ka dalë nga burgu, ka gjetur djalin 4 vjeç. Kanë ardhur këtu, kanë hapur një biznes. Situatën e dinim të gjithë. Mamaja ime e ka ndihmuar atë në burg. Motra jonë nuk donte që të ndaheshin. Ne nuk donim të shikonim atë situatë te fëmijët e motrës. Ai vazhdonte me probleme dhe thoshte sërish që nuk do të bëjë më prapësira. Burri i motrës u zhyt në borxhe në biznesin që kishte. Motra i ka thënë që më lër rehat se nuk mund ta vazhdoj më këtë situatë. Ai i thoshte që ti nuk ke ku shkon.”-është shprehur vëllai i Melisa Trëndafilit.
LEXO EDHE: Ngjarja e rëndë në Korçë, burri djeg gruan me benzinë.