Klea Prenga, vajza 24-vjeçare, e cila u dhunua barbarisht nga motrat, Antonela dhe Mariela Berisha ka reaguar sërish duke publikuar edhe një foto tjetër të fytyrës.
Në postimin e radhës, ku duket se ajo ka bërë qepje në zonën e fytyrës, e reja adreson pretendimet se ishte dhunuar për shkak se kishte një lidhje me bashkëshortin e Marielës, ky i fundit i njohur si Mir Pepa.
Gjatë reagimit të saj, 24-vjeçarja thotë se nuk ka hyrë në asnjë familje pasi personi që e ka sulmuar “nuk ka burrë”.
Madje jep edhe disa këshilla për motrat Berisha, duke theksuar se të gjithën mund ta kishin zgjidhur së bashku duke komunikuar, e jo duke përdorur dhunë.
