Ditën e sotme është dënuar shtetasi E. Arrazi, partneri i Alma Arrazit e cila i dha fund jetës para një vit duke u hedhur së bashku me fëmijët e saj në lumin Buna, në Shkodër.
Kujtojmë se ngjarja e rëndë ka ndodhur më 6 maj të 2024 pasi qytetarja Alma Bushati Arrazi u vetëmbyt në ujërat e Bunës bashkë me tre fëmijët e saj të mitur, Ergesa, Gresi dhe Ardit Arrazi.
Gjyqtari i Shkodrës, Orgent Nazaj ka deklaruar fajtor dhe dënuar me 6 vite burgim Arrazin, për akuzën e “Shkaktimit të vetëvrasjes”. Por për shkak të gjykimit të shkurtuar, ky dënim është ulur me 2 vite, duke dënuar Arrazin përfundimisht me 4 vjet heqje lirie.
Gjyqtari konstatoi prova se i pandehuri Arrazi, ka ushtruar dhunë fizike dhe psikologjike ndaj gruas së tij, Alma Arrazi, duke shkaktuar tek kjo e fundit një gjendje ankthi dhe depresioni, që çoi në vetëflijim familjarët në ujërat e Lumit Buna.