DURRËS– Përmes një postimi në Facebook, Kryeministri Edi Rama ka ndarë me qytetarët një video në të cilën shihet “Gara e Velave”, siç e ka quajtuar edhe Kryeministri.
Më tej Rama shkruan se për herë të parë qyteti i Durrësit përfshihet në “Garën e Velave të Italisë”, turi “Nastro Rosa 2024” i Marinës Ushtarake Italiane, i cili ka nisur nga Genova dhe do të ndalojnë në 10 qytete turistike.
POSTIMI I PLOTË I Kryeministrit Rama:
Për herë të parë Durrësi përfshihet në “Garën e Velave të Italisë”, turi “Nastro Rosa 2024” i Marinës Ushtarake Italiane, që ka nisur nga Genova dhe do të ndalojnë në 10 qytete turistike
Të gjithë qytetarët e Durrësit por dhe turistët e shumtë do të kenë mundësi të shijojnë spektaklin e 30 varkave me vela që do të lundrojnë në ujërat pranë shëtitores “Taulantia”, një event sportiv që i shtohet bashkëpunimeve të shumta mes Italisë dhe Shqipërisë, e që për më tepër i shërben promovimit të turizmit dhe bukurive të panumërta të Durrësit
