I konsideruar si “truri” i fushatës elektorale të Presidentit të Shteteve të Bashkuara të Amerikës, konsulenti i Presidentit Donald Trump do të drejtojë fushatën e Partisë Demokratike në Shqipëri.
Burimet kanë konfirmuar se Christopher LaCivita do të punojë me ish-kryeministrin Sali Berisha për zgjedhjet e 11 majit 2025.
Sakaq prezantimi i tij bëhet nga vetë lideri i demokratëve në një konferencë për mediat e cila është lajmëruar në orën 11:00.
LaCivita ka një karrierë të gjatë në SHBA dhe është i njohur për dorën e rëndë ndaj klientëve të tij. Në zgjedhjet e fundit presidenciale ai fitoi 22 milionë dollarë për punën që kreu në shërbim të Trump.
Kjo është një shifër e majme, por gjithsesi e përmbajtur kur kemi parasysh se fushatat në SHBA, në veçanti kjo e fundit, janë ndër më të shtrenjtat në botë.
Presidenti Trump e justifikon punësimin e LaCivita, jo vetëm sepse ai është një nga njerëzit më të pasur në Amerikë, por sepse shumat e shpenzuara në garën e 5 nëntorit arritën shumën marramendëse prej 15.6 miliardë dollarë./Radar.al