Presidenti i SHBA-së, Donald Trump, njoftoi se shorti zyrtar i grupeve për Kupën e Botës FIFA 2026 do të zhvillohet më 5 dhjetor në Qendrën Kennedy të Uashingtonit.
“Është një nder të presim këtë ngjarje globale dhe këta atletë ikonë në qendrën kulturore të kryeqytetit tonë,” tha Trump.
Ai shtoi se secila ndeshje do të jetë si një Super Bowl dhe e përshkroi Kupën e Botës si ngjarjen më të madhe dhe më komplekse në historinë e sportit, duke theksuar gjithashtu se kjo do të gjenerojë rreth 30 miliardë dollarë për ekonominë amerikane.