Presidenti amerikan Donald Trump ka lënë të hapur mundësinë për një pajtim me Elon Musk, pas përplasjeve publike mes tyre javën e kaluar. Në një intervistë për New York Post, Trump tha se nuk mban inat për kritikat që Musku i bëri projektligjit të tij të ashtuquajtur “të madh dhe të bukur”.
“Nuk kam ndjenja të këqija. Isha vërtet i befasuar që kjo ndodhi,” u shpreh ai, duke shtuar se e kupton që përplasjet ndodhin dhe se nuk ia mban për të keq Muskut.
I pyetur nëse mund të ketë pajtim mes tyre, Trump tha se e sheh të mundur, edhe pse nuk është fokusi i tij aktual: “Funksioni im i vetëm tani është ta çoj këtë vend në një nivel më të lartë se kurrë më parë.”
Nga ana tjetër, Elon Musk ka shprehur pendesë për disa prej komenteve të tij ndaj Trump. Në një postim në X të mërkurën, ai tha se kishte “shkuar shumë larg” në kritikat ndaj ish-presidentit.