Presidenti amerikan Donald Trump deklaroi se nuk po përpiqet t’i japë fund luftës në Ukrainë për përfitime personale, por për të shpëtuar jetë njerëzish.
Duke folur me gazetarët në bordin e Air Force One, teksa udhëtonte drejt Anchorage në samitin ku pritet të takohet me presidentin rus Vladimir Putin, Trump tha:
“Nuk po e bëj këtë për shëndetin tim. Në rregull, nuk kam nevojë për të. Do të doja të përqendrohesha te vendi ynë, por po e bëj këtë për të shpëtuar shumë jetë.”
Ai paralajmëroi gjithashtu se, nëse Putin nuk pranon t’i japë fund luftës, pasojat për Rusinë do të jenë të rënda.
“Po, do të jetë shumë e rëndë”, tha Trump, duke iu referuar masave të mundshme ekonomike ndaj Moskës.