Paris Saint-Germain është goditur nga një zhvillim i papritur, pas humbjes 3-0 ndaj Chelseat në finalen e Kupës së Botës për Klube të FIFA-s. Sipas prestigjiozes franceze L’Équipe, mbrojtësi i ri brazilian Lucas Beraldo ka dorëzuar një kërkesë zyrtare për largim nga klubi.
21-vjeçari, i cili u transferua te PSG vetëm 18 muaj më parë nga Sao Paulo, ka kërkuar të largohet për të gjetur më shumë hapësira loje, me synimin për të bindur trajnerin e Brazilit ta përfshijë në listën për Kupën e Botës 2026.
Beraldo e nisi si titullar finalen ndaj Chelseat, por pati vështirësi përballë sulmuesve Cole Palmer dhe Joao Pedro, të cilët shënuan golat që i siguruan fitoren ekipit anglez.
Burime pranë klubit raportojnë se PSG është surprizuar nga vendimi i lojtarit, por është e gatshme ta shqyrtojë kërkesën e tij, me kusht që të sigurojë fillimisht një zëvendësues të denjë në mbrojtje. Objektivi kryesor i drejtuesve është Illia Zabarnyi, mbrojtësi premtues i Bournemouth.
Pavarësisht dëshirës për të qëndruar në Paris, Beraldo duket se është i vendosur të marrë një hap të guximshëm në karrierë, në kërkim të një roli më aktiv dhe përfaqësimit ndërkombëtar.