GJERMANI– Një ngjarje tragjike ka ndodhur në Albstadt të Gjermanisë. Bëhet me dije se një foshnjë e porsalindur ka humbur jetën tragjikisht pasi dyshohet se nëna e futi atë në lavatriçe.
Mediat e huaja raportojnë se 35-vjeçarja akuzohet se ka fshehur shtatzëninë e saj dhe më pas e ka futur foshnjën e saj të porsalindur në një lavatriçe, ku foshnja vdiq.
Trupi u gjet nga partneri i saj në banjën e apartamentit të tyre të përbashkët në Albstadt natën e 30 marsit.
Sipas prokurorisë së Hechingen, gruaja e fshehu shtatzëninë e saj dhe lindi në banjo më 29 mars. Partneri i saj dyshohet se nuk vuri re asgjë. E pandehura dyshohet se e futi të porsalindurin në lavatriçe me rroba të palara pas lindjes dhe e mbylli atë.
“Ajo ishte në dijeni të mundësisë dhe pranoi rrezikun që partneri i saj më vonë mund ta ndizte lavatriçen, duke mos ditur se brenda kishte një foshnjë, e cila mund të vdiste për shkak të saj.”- tha zyra e prokurorit të shtetit në një deklaratë./Radar.al