Një ngjarje tragjike ka ndodhur pas ndeshjes hapëse të Bundesligës mes FC St. Pauli dhe Borussia Dortmund në Hamburg, ku një tifoz 39-vjeçar i Dortmund humbi jetën. Incidenti ka ndodhur të shtunën, rreth orës 23:20, në sheshin Harald Stender, përpara stadiumit Millerntor.
Sipas hetimeve të para të policisë, tifozit të Dortmund, që dyshohet të ketë qenë nën ndikimin e alkoolit, iu përfshi në një sherr me disa individë të tjerë. Gjatë përleshjes, një 22-vjeçar shtyu viktimën, i cili ra dhe goditi kokën, duke humbur ndjenjat. Kalimtarët dhe ndihmësit mjekësorë ndihmuan menjëherë dhe e dërguan në spital. Megjithatë, ai nuk arriti të mbijetonte dhe ndërroi jetë të dielën pasdite nga plagët e marra.
Policia e Hamburgut ka apeluar për dëshmitarë dhe ka ndaluar përkohësisht 22-vjeçarin, i cili u lirua më pas, pasi nuk u gjetën arsye për një arrestim të mëtejshëm. Ky incident vjen si një kujtesë e dhimbshme për rreziqet e dhunës që mund të ndodhin pas ngjarjeve sportive.