TIRANË– Dedektivja Shkenda Lili ka qenë e ftuar mbrëmjen e së hënës në “Opinion” ku ka zbuluar rastet skandaloze të tradhtisë edhe brenda familjes.
Ajo ka deklaruar se pjesëtarë të ndryshëm i drejtohen asaj për gjetjen e provave. Tradhtitë në çift, në të shumtën e rasteve meshkujt që sigurojnë prova shkojnë drejt divorcit, ndryshe nga gratë që edhe pas sigurimit të provave, nuk e ndërmarrin një hap të tillë.
Ndër të tjera theksoi se këto janë situata tejet të ndërlikuara dhe të dhimbshme, pasi jo vetëm që prekin marrëdhëniet mes individëve, por edhe krijojnë pasoja afatgjata në psikologjinë e pjesëmarrësve. Në rastet kur hetimet e saj zbulojnë tradhti të tilla, Lili shprehu shqetësimin se shpesh ndodhin edhe ngjarje fatkeqe, pasi ndjeshmëria që krijohet në këto situata shpesh mund të shkaktojë tensione të mëdha.
“Më duken më të rënda rastet kur ka tradhti brenda familjes. Vjen njëra palë dhe thotë mund të më tradhtojë me kunatin apo me motrën… Këto janë raste që mua më prekin dhe jam habitur! Mund të kem zbuluar dhe të mos e kem transmetuar këtë gjë. Mund të ndodhë dhe ndonjë fatkeqësi në të tilla raste; nëse ne hetojmë, zbulojmë dhe ja transmetojmë. Dhe po ka raste, dhe mendoj që është fundi i botës në të tilla raste, të dyshojë për motrën, vëllain apo kunatin, janë gjëra shumë të rënda!/Radar.al