Transformim apo shndërrim. Tom Cruise ka tërhequr vëmendjen e publikut me transformimin e tij të jashtëzakonshëm në filmin e ri “Digger”, ku shfaqet me një pamje krejtësisht ndryshe nga ajo me të cilën është identifikuar ndër vite.
Trailer-i i parë i filmit, me regji të Alejandro González Iñárritu, është publikuar së fundmi, duke zbuluar Cruise në rolin e miliarderit ekscentrik Digger Rockwell.
Për këtë personazh, aktori ka kaluar një transformim të plotë fizik. Ai shfaqet me flokë të thinjura, proteza në fytyrë dhe grim të veçantë, elemente që e bëjnë pothuajse të panjohshëm në ekran.
Digg. Or Die. DIGGER. Only in theaters October 2. pic.twitter.com/lZLrdVpLQr
— Tom Cruise (@TomCruise) July 13, 2026
Pamjet e para kanë nxitur reagime të shumta në rrjetet sociale, ku shumë fansa shprehën habinë, duke mos besuar se personazhi nën maskë ishte pikërisht Tom Cruise. Komente si “Nuk ka mundësi të jetë ai” u përhapën menjëherë pas publikimit të trailer-it.
Edhe posteri zyrtar i filmit ka ngjallur interes. Në të, Cruise shfaqet i veshur me kostum, kapelë kauboji dhe me një lopatë në dorë, ndërsa qëndron mbi një glob, një imazh që pasqyron tonin satirik të filmit.
“Digger” është projekti i parë i madh i Cruise jashtë ekskluziviteteve “Mission: Impossible” dhe “Top Gun” që nga filmi “American Made” i vitit 2017.
Filmi është një komedi e zezë satirike, ku Cruise interpreton një baron nafte nga jugu i Shteteve të Bashkuara, i cili përpiqet të shmangë një katastrofë ekologjike globale, edhe pse ajo lidhet drejtpërdrejt me veprimet e tij të së kaluarës.
Përveç Tom Cruise, në kastin e filmit bëjnë pjesë edhe Sandra Hüller, Jesse Plemons, John Goodman, Riz Ahmed, Michael Stuhlbarg, Emma D’Arcy dhe Robert John Burke.