Një aksident i rëndë rrugor ka ndodhur pasditen e sotme në aksin Shkodër–Lezhë, pranë zonës së Kryebushatit.
Sipas informacioneve paraprake, tre automjete janë përplasur me njëra-tjetrën, duke shkaktuar pasoja të rënda. Dyshohet se një person ka ndërruar jetë në vendngjarje, ndërsa disa të tjerë kanë mbetur të plagosur.
Menjëherë pas aksidentit, në vendin e ngjarjes kanë mbërritur autoambulanca dhe forca të shumta policie, të cilat po punojnë për të bërë të mundur transportimin e të plagosurve në spital dhe për zbardhjen e plotë të shkaqeve të ngjarjes.
Ende nuk janë bërë të ditura identitetet e viktimës dhe të të lënduarve, ndërsa grupi hetimor po vijon punën për përcaktimin e rrethanave që çuan në përplasjen fatale.