Pas humbjes Liverpool, Pep Guardiola iu drejtua tifozëve të “Reds-ave” se kishte fituar 6 herë titullin kampion të Premier League.
Ky gjest ngjau i çuditshëm pasi sipas mediave spanjolle, është diçka që do e bënte vetëm Jose Mourinho.
Katalanasi foli duke bërë një krahasim me portugezin:
“Shpresoj jo në rastin tim… ai ka fituar tre Premier League, unë gjashtë, por jemi të ngjashëm”.
Kjo gjë nuk kaloi pa u komentuar nga Mourinho, ku në përgjigjen e tij nuk i kurseu ironitë.
“Ai më përmendi ditën e djeshme dhe tha që unë kam fituar tre tituj të Premier League, ndërsa ai ka fituar gjashtë. Unë të paktën i fitova me drejtësi dhe pastërti. Nëse kam humbur, dua të përgëzoj kundërshtarin tim sepse ai ishte më i mirë se unë. Nuk dua të fitoj duke u marrë me 150 procese gjyqësore nën kurrizin tim”, tha portugezi, duke cituar akuzat që rëndojnë mbi Manchester Cityn.