Një tërmet me magnitudë 4.3 ballë të shkallës Rihter goditi mesditën e së mërkurës rajonin Gemlik të qytetit Bursa, në juglindje të Detit të Marmarasë.
Sipas Agjencisë turke të Menaxhimit të Fatkeqësive Natyrore dhe Emergjencave (AFAD), epiqendra ndodhej në të njëjtën zonë ku një ditë më parë u regjistruan dy tërmete të tjera, me magnitudë 4.2 dhe 3.9 ballë, me një diferencë prej 70 minutash mes tyre.
Tërmeti i sotëm kishte një thellësi fokale prej 12.91 kilometrash dhe u ndje edhe në qytetin e Stambollit dhe në zonat përreth.
“Duhet të jemi vigjilentë. Kjo është një zonë që ndodhet në një çarje aktive,” deklaroi sizmologu turk Suleyman Pambal.