Një tërmet me magnitudë 6.0 goditi herët këtë mëngjes rajonin Poso në Sulawesin qendror të Indonezisë, duke shkaktuar panik dhe dhjetëra të lënduar.
Sipas autoriteteve vendase, tërmeti ka ndodhur në një thellësi prej 10 kilometrash dhe është ndjerë edhe në zonat përreth. Deri tani raportohet për 29 persona të lënduar, dy prej të cilëve ndodhen në gjendje kritike, ndërsa nuk ka njoftime për viktima.
Agjencia e Meteorologjisë, Klimatologjisë dhe Gjeofizikës e Indonezisë (BMKG) ka bërë të ditur se nuk ka paralajmërim për cunami.
Indonezia ndodhet në “Unazën e Zjarrit të Paqësorit”, një zonë shumë aktive sizmike ku përplasja e pllakave tektonike shkakton shpesh tërmete me pasoja serioze.
Radar.al