Në person në lagjen nr.15 të Korçës ka qëlluar me armë në ajër duke terrorizuar banorët e lagjes.
Edmond Naska, 71 vjeç, ndodhet ende në banesë dhe kërcënon forcat e policisë se do të qëllojë përsëri.
Në njoftimin zyrtar të policsë thuhet se ngjarja ka ndodhur rreth orës 10:20 dhe 71-vjeçari ka qëlluar nga ballkoni i banesës së tij, e cila ndodhet në katin e parë të një pallati.
Shërbimet e Policisë vendore kanë ndërhyrë mënjëherë duke krijuar perimetrin e sigurisë dhe kanë evakuuar banorët e zonës.
Njoftimi i Policisë
Sot, rreth orës 10:20, në lagjen nr. 16, dyshohet se shtetasi E. N., 71 vjeç, me probleme mendore, ka qëlluar me armë zjarri nga ballkoni i banesës së tij (në katin e parë të një pallati).
Shërbimet e Policisë vendore kanë ndërhyrë mënjëherë duke krijuar perimetrin e sigurisë dhe kanë evakuuar banorët e zonës.
Nga të shtënat nuk ka asnjë shtetas të lënduar.
Në drejtim të vendit të ngjarjes po shkojnë shërbimet e Repartit Special RENEA, për të ndërhyrë për neutralizimin e shtetasit E. N., i cili ka mbyllur derën e banesës.
Ndërkohë, shërbimet e Policisë, me masa sigurie për jetën e tyre, po mbajnë të rrethuar banesën.
Aktualisht nuk ka asnjë rrezik për jetën e banorëve.