Bregu i lumit në Arahtho të Artës është mbushur me letra dhe lule të lëna nga shokët e dy fëmijëve që u nxorrën pa ndjenja nga lumi, e fatkeqësisht dje mbyllën sytë përgjithmonë.
Pavarësisht përpjekeve të mjekëve për t’I risjellë në jetë, Spiros dhe Kleoni mesditën e së premtes, nuk ja dolën dhe u konfirmuan të vdekur klinikisht.
Prindërit e 14-vjeçarit grek Spyros vendosën që të dhurojnë organet e fëmijës fatkeq. Vendim i njëjtë u mor dhe nga prindërit shqiptarë të Kleonit.
Një akt ky që përmbën nota humane të cilat të rrëqethin mishin.
“Falenderoj shtetin grek, doktorët e gjithë Greqisë që bënë të pamundurën për djalin tim. Djali imi iku nga kjo jetë , e morri Zoti, por zemra e tij mbeti në Greqi t’i dhurohet një fëmije tjetër e ti shtojë jetën që do bënte djali im”, babai i Kleonit.
“Falenderoj shtetin grek. Gjithë mjekët bënë të pamundurën, por nuk e shpëtuan dot. Ju faleminderit shumë”, deklaroi nëna e Kleonit.
Me sy të mbushur në lot, duke I kërkuar falje prindërve të 14-vjeçarit grek Spiros, që u hodh në ujë për të shpëtuar 12-vjeçarin shqiptar, babai i Kleonit ka shprehur edhe një dëshirë tjetër.
“Kur të vijë dita që të mësoj se kush e mori zemrën e djalit tim , le të bëjë tek zemra shqiponjën e Shqipërisë. Ju faleminderit jam shumë i pikëlluar nuk mund të flas më“, u shpreh babai i Kleonit.
Gjithashtu një falenderim nga zemra ka shkuar dhe për shqiptarin Letian Gega që është zhytur në ujërat e thella të lumit për t’i nxjerrë fëmijët që i kishte marrë rryma.
LEXO EDHE:
E FUNDIT/ Arrestohet Nikoll Deda, ish-kreu i Urdhrit të Stomatologëve
Tensionet Izrael-Iran. Reagon Papa Leone XIV: Nuk duhet kërc*nuar ekzistenca e tjetrit
Dyshohet se vr*u Alibejin. Lihet pas hekurave Dashnor Dumani, fiton lirinë shoku i tij