Tarifat e reja e vendosura nga Trump kanë tronditur aksionet globale për të dytën ditë radhazi.
Tregjet e aksioneve në Azi, Evropë dhe SHBA pësuan një rënie të ndjeshme në përgjigje të politikës tarifore të Trump, me tregun amerikan që po përballet me shtrirjen më të keqe dyditore që nga viti 2020
Të tre indekset e mëdha të aksioneve në SHBA tani po tregtohen me më shumë se 5%.
Me mbylljen e tregut në SHBA, S&P 500 ra me 5.98%, Dow 30 ra 5.5% dhe Nasdaq 5.82.Më parë, Kina – e cila përballet me një taksë importi prej 54%, njoftoi për një tarifë hakmarrëse prej 34% për mallrat amerikane që nga data 10 prill.
Pavarësisht reagimeve të shumta nga tregu, Trump këmbënguli se “politikat e tij nuk do të ndryshojnë kurrë” përpara se të kritikonte hakmarrjen e Kinës, duke thënë se ata po “luajnë gabim, i ka zënë paniku”.
Trump i kërkoi gjithashtu shefit të Rezervës Federale të SHBA-së, Jerome Powell, të ulë normat e interesit. Powell tha se tarifat e Trump janë “dukshëm më të mëdha se sa pritej” dhe ai pret inflacion më të lartë dhe rritje më të ngadaltë si rezultat.
Mike Dickson, kreu i kërkimit dhe strategjive sasiore në Horizon Investments në SHBA në lidhje me këtë situatë tha: “Sinqerisht, situata është goxha e hidhur dhe duhet të jetë e tillë. Do të duhen javë për të kuptuar ndikimin e tarifave të Trump”.
Kjo është kriza më e keqe e Wall Street-it, që nga COVID-i. Rënia mbylli javën më të keqe për S&P 500 që nga marsi 2020, kur pandemia rrëzoi ekonominë. Doë Jones Industrial Average ra me 2,231 pikë, ose 5.5% të premten, dhe Nasdaq ra me 5.8% për të rënë më shumë se 20% poshtë rekordit të tij të vendosur në dhjetor.