SHBA-Ben McLemore, ish- lojtari i NBA-së dhe AEK-ut, u shpall fajtor për përdhunim nga një juri në një gjykatë të Oregonit të enjten në një rast sulmi seksual që ndodhi në vitin 2021.
Vendimi u mor pas një gjyqi 11-ditor dhe rreth dhjetë orësh diskutimesh. 32-vjeçari McLemore, i cili luajti për herë të fundit në NBA në vitin 2022 me Portland Trail Blazers, u dënua për tre akuza: përdhunim i shkallës së parë, depërtim seksual i paligjshëm i shkallës së parë dhe sulm seksual i shkallës së dytë. Dënimi i tij do të shpallet të mërkurën e ardhshme.
“Ne e pranojmë se ka njerëz që kanë frikë se ata me famë ose ndikim mund t’i shmangen ndjekjes penale. Jo në Qarkun Clackamas. Ky rast tregon se zyra jonë ndjek penalisht krimet pavarësisht nga statusi shoqëror i të pandehurit.”-deklaroi Prokurori i Qarkut John Wentworth në një deklaratë./