IZRAEL– Kryeministri izraelit, Benjamin Netanjahu ka bërë me dije se do të forcohen masat e sigurisë për misionet diplomatike izraelite në të gjithë botën.
Ndër të tjera ai ka deklaruar se do të rritet mbrojtja e përfaqësuesve të vendit të tij, pas sulmit me armë të ndodhur natën e mërkurë në Ëashington, i cili mori jetën e dy punonjësve të ambasadës.
Zyra e Netanjahut njoftoi se Kryeministri izraelit kishte pasur një bisedë me Prokuroren e Përgjithshme të SHBA-së, Pam Bondi, për të marrë informacione mbi të dy viktimat dhe për të mësuar më shumë rreth të dyshuarit për sulmin.
Kujtojmë se dy të rinjtë që mbetën të vdekur ishin një çift i ri që kishte planifikuar të fejoheshin shumë shpejt. Bondi shprehu ngushëllimet e saj të thella për Netanjahun, sipas njoftimit të zyrës së Kryeministrit, duke shtuar se Presidenti i SHBA-së, Donald Trump, po kontribuonte në menaxhimin e situatës. Ajo gjithashtu deklaroi se autori i krimit do të përballet me drejtësinë./Radar.al