Një studim i ri i realizuar nga Universiteti i Osakës në Japono ka nxjerrë në pah lidhjen mes zakoneve të të ngrënit dhe rrezikut të obezitetit tek fëmijët.
Studiuesit analizuan sjelljet ushqimore të rreth 1.400 fëmijëve të moshës 9–10 vjeç dhe zbuluan se ata që përtypin pak, hanë me nxitim dhe me gojën plot, janë dukshëm më të prirur ndaj shtimit të peshës dhe obezitetit.
Sipas rezultateve, fëmijët që nuk përtypnin mirë kishin rreth 1.5 herë më shumë gjasa të ishin obezë, ndërsa ata që hanin shumë shpejt, rreth dy herë më shumë gjasa të përballeshin me këtë problem. Efekti ishte veçanërisht i dukshëm tek djemtë.
Në total, 167 fëmijë u klasifikuan si obezë nga studimi, i cili u publikua në platformën Science Direct.
Ky kërkim shton peshën e rekomandimeve për prindërit që të inkurajojnë fëmijët të hanë ngadalë dhe të përtypin mirë, si një mënyrë për të parandaluar problemet me peshën që në moshë të hershme.