Të dielën në mbrëmje, Spanja festoi triumfin e Euro 2024 duke mposhtur Anglinë me rezultatin 2-1. Pak orë më vonë, Argjentina fitoi Copa America falë golit të Lautaro Martinez nga Interi, i shënuar në pjesën e dytë të shtesës.
Këto dy skuadra, Spanja dhe Argjentina, do të përballen në “Finalissima”, e njohur ndryshe si Kupa e Kampionëve CONMEBOL-UEFA.
Ndeshja pritet të luhet në qershor 2025, përveç nëse Spanja arrin në fazën finale të Ligës së Kombeve. Turneu ka një format të thjeshtë: luhet një ndeshje e vetme prej 90 minutash, pa kohë shtesë. Nëse ndeshja përfundon barazim, do të vendoset me penallti.
UEFA dhe CONMEBOL krijuan këtë turne si një version ndërkombëtar të Kupës Ndërkontinentale të Klubeve, ku kampionët e Europës dhe Amerikës së Jugut përballen në një ndeshje për të përcaktuar fituesin e “Finalissima”. Tre vite më parë, Italia si kampione e Evropës u përball me Argjentinën, dhe skuadra amerikano-jugore fitoi trofeun.