Kryedemokrati Sali Berisha ditën e sotme mori pjesë në samitin e Unionit Demokratik Ndërkombëtar (IDU) në Bruksel ku dhe u ankua ndaj qeverisë së kryeminsitrit Edi Rama.
Në fjalën e tij, Berisha akuzoi qeverinë për vjedhjen e zgjedhjeve të 11 majit, duke e cilësuar Shqipërinë si një “narkoshtet” që uzurpoi vullnetin e qytetarëve.
“Zgjedhjet e 11 majit u vodhën nga narkoshteti. Kjo është një dramë për demokracinë shqiptare. Prandaj kërkoj solidaritetin dhe mbështetjen tuaj që kombi im të votojë i lirë,” u shpreh Berisha përpara liderëve të qendrës së djathtë ndërkombëtare.
Më tej ai theksoi se mbështetja ndërkombëtare mbetet jetike për të rikthyer standardet demokratike në Shqipëri dhe garantimin e zgjedhjeve të ndershme dhe transparente.
“Solidariteti i komunitetit ndërkombëtar është vendimtar për fitoren e kësaj kauze,” shtoi Berisha.
Samiti i IDU mblodhi drejtues dhe përfaqësues të partive konservatore nga e gjithë bota, duke u bërë një platformë ku Berisha përcolli shqetësimin për situatën politike në Shqipëri.
Kujtojmë se pasditen e sotme në orën 17:00, Partia Demokrati ka bërë thirrje për protestë e cila do të organizohet në Bulevardin e Ri.
LEXO EDHE:
Nga Tirana, liderët e BE flasin me Trump, Zelensky zbardh telefonatën