TIRANË– Presidenti i Partisë së Lirisë, Ilir Meta mesditën e sotme ka publikuar një mesazh me rastin e hapjes së fushatës elektorale të PD-Aleanca për Shqipërinë Madhështore që do të mbahet në orën 19:00 në sheshin “Nënë Tereza”.
Nw reagimin e tij Meta shkruan se “asnjë izolim fizik sado ekstrem nga Narkoregjimi, nuk më ndal dhe nuk do të më ndalë në përballjen time për të mbrojtur liritë dhe të drejtat e shqiptarëve nga dhuna e Narkoqeverisë’.
POSTIMI I PLOTË I METËS:
Asnjë izolim fizik sado ekstrem nga Narkoregjimi, nuk më ndal dhe nuk do të më ndalë në përballjen time për të mbrojtur liritë dhe të drejtat e shqiptarëve nga dhuna e Narkoqeverisë, që ka zaptuar dhe plaçkit vendin. Sonte vetëm fizikisht nuk do të jem në shesh, por me të gjithë fuqinë e kauzës, do të jem krah jush në Sheshin “Nënë Tereza”, në ora 19:00. Sonte është fillimi i betejes finale për çlirimin e çdo shqiptari, sonte starton fushata fitimtare që do të kurorëzohet më 11 Maj me Fitoren Madhështore të Lirisë kundër Narkoregjimit të dorëzuar në duart e krimit dhe korrupsionit! Sot të gjithë në shesh ku do gjëmojë zëri i qytetarëve për Shqipërinë Madhështore që meritojnë shqiptarët e ndershëm, punëtorë dhe patriotë./Radar.al
“Kërkoj vajza për 1 natë…”/ Postimet filipinezit para dhe pas vr*sjes së Ilarias