DURRËS– Janë zbuluar detaje të reja nga arrestimi i 44 vjeçares nga Durrësi, Zyra Korra shantazhonte një 39 vjeçare. Ajo ka shantazhuar shtetasen Sulltane D., duke i thënë se “nuk ke dokumenta të rregullta greke”.
44-vjeçarja e kërcënonte se do ta denonconte dhe se dokumentat do t’i digjeshin. 39-vjeçarja e frikësuar ka rënë pre e shantazhimeve duke i dhënë 5000 euro. Por, kur 44-vjeçarja i kërkoi 50.000 euro atëherë e denoncoi.
Shantazhuesja u arrestua nga policia e Sarandës për veprën penale “Shtërngim me anë të kanosjes ose dhunës për dhënie pasurie”.
“Kjo shtetase dyshohet se, përmes shantazhit dhe kërcënimeve në rrjetet sociale, i kishte marrë një 39-vjeçareje nga Saranda shumën prej 5000 eurosh dhe vijonte ta kërcënonte për t’i marrë edhe 50 000 euro të tjera.”-njoftoi policia.
Njoftimi i plotë i policisë:
Sarandë
Shantazhonte dhe kërcënonte një shtetase në rrjetet sociale, i mori 5000 euro dhe i kërkonte edhe 50 000 euro të tjera, vihet në pranga 44-vjeçarja.
Në vijim të veprimeve hetimore, lidhur me kallëzimin e një shtetaseje, e cila kishte deklaruar se i ishte marrë një shumë parash nëpërmjet shantazhit dhe kërcënimit, specialistët e Seksionit për Hetimin e Krimeve ndaj Pasurisë, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Sarandë, bënë të mundur ndalimin e autores së dyshuar të shpallur në kërkim, shtetases:
“Më jep 50 mijë euro ose…”/ Kërcënoi dhe shantazhoi 39-vjeçaren në rrjetet sociale dhe i mori para