Zëvendëskryeministri dhe Ministri i Bujqësisë i Kroacisë, Josip Dabro, ka dhënë dorëheqjen pas publikimit të një videoje ku ai shfaqet duke qëlluar me pistoletë nga një makinë në lëvizje.
Në video, Dabro ndodhet në sediljen e pasagjerit, ngarkon pistoletën dhe thotë: “Vetëm për vëllanë tim Mario”, përpara se të qëllojë nëntë herë. Ngjarja duket se ka ndodhur pranë një zone të banuar, pasi në video shihen ndriçues rrugorë dhe shtëpi përreth.