Pas takimit të zhvilluar me sipërmarrësit dhe biznesmenët në qytetin e Lezhës, kryeministri Rama po vijon një takim me gratë e vajzat e qarkut Lezhë.
Në fjalën e mbajtur Rama vuri theksin te forca e grave dhe vajzave në politikë. Ndërsa shton më tej se një nga synimet e PS mbetet angazhimi i grave në politikë.
Rama kujton çastet e para kur mori drejtimin e PS dhe zbuloi se kishte raste kur në takimet e organizuara nuk kishte asnjë grua apo vajzë prezente, e ndërsa sot ato janë shumica, duke e quajtur këtë si arritje dhe krenari.
Si dhe solli në kujtesë monentin kur kohë më parë burrat thonin se nuk ka gra më.
Rama: Edhe Kurbini që është burrë, hajër pa me një grua. Ju falënderoj për këtë pamje të bukur, por këtu ka disa, nuk janë shumë, por disa që kanë qenë në rrugëtimin tonë që kur unë erdha në krye të PS dhe jam i bindur se e ndajnë me mua bindjen se jo shumë vite më parë kjo pamje ishte e paimagjinueshme. E paimagjinueshme që PS, dhe kur nuk e bënte dot PS të tjerët nuk llogariten, të kishte një prani të tillë grash, dhe kur e kemi nis këtë rrugëtim kur u zgjodha në krye të PS dhe bëja vizitat e para kishte dhe mungesa naj herë totale të grave. Kur i pyesja ku janë gratë, përgjigja ishte ‘s’ka gra knej’, dhe unë nuk duroja dhe u thoja ‘po ju kush ju ka pjellë, keni pjellë njëri tjetrin’? Dhe kështu hap pas hapi arritëm të bëjmë diçka dhe për mua është një nga arsyet për të qenë krenar.