Fundi i muajit Tetor dhe muaji Nëntor do të kenë përgjithësisht ditë me diell, por nuk do të mungojnë as reshjet e shiut.
Për sa i përket dimrit që po afron, Lajda Porja tha se ky dimër do të jetë më i ftohtë se ai i kaluari, por nuk ka për të qenë ideali.
Lajda Porja: Tetori parashikohet që të jetë i nxehtë me temperatura të larta gjithmonë nëse bëjmë krahasimin me vlerat normale. Nëse flasim për kushte normale vlerat më të larta janë rreth vlerës 24 deri në 25 gradë Celsius, sot presim 28 gradë Celsius. Do të kemi shira kalimtarë, nuk presim të kemi problematika si javën e kaluar. E enjtja dhe e premtja do të jenë me vranësira, lagështirë dhe reshje të pakta, por me temperatura të larta, deri në 29. Tirana do të ketë lagështirë shumë të lartë përgjatë kësaj jave, nuk ka shumë reshje, por ka shumë lagështirë. Pas kësaj jave do të kemi disa ditë me diell. Ajo që dua të theksoj është që kemi një diferencë të temperaturave minimale dhe maksimale. Gjithashtu jemi totalisht jashtë parametrave klimatikë, tashmë nuk mund të flasim më klimë normale, por jemi jashtë temperaturave që në fakt duhet të jesh realisht ftohtë sepse jemi në Tetor.