TIRANË– Artisjtja e mirënjohur shqiptare, Elsa Lila ka qenë e ftuar ditën e djeshme në “Ftesë në 5” me Bieta Sulon në Top Channel.
Gjatë intervistës Elsa ka folur për shumë aspekte të jetës, duke u pyetur nga Bieta edhe për jetën e saj private, nëse është në një lidhje dashurie apo single.
Por këngëtarja ka rrëfyer që është e dashuruar me jetën, pasi brenda saj ka gjithëçka, duke treguar që momentalisht është single.
PJESË NGA INTERVISTA:
Cili është motivi që të ka dhënë më shumë forcë për të ecur përpara?
Elsa Lila: Meraku dhe forca ime më e madhe ka qenë vajza ime. Jam një person i brishtë nga brenda, por jeta më ka mësuar të ndërtoj një mburojë të fortë nga jashtë.
Nëse do falenderoje diçka për forcën tënde, çfarë do ishte?
Elsa Lila: Lotin. Falë lotëve, ne kuptojmë çfarë është lumturia.
Dashuria jote më e madhe është…?
Elsa Lila: Jeta! Sepse brenda saj gjendet gjithçka. Unë dashuroj jetën.
Si ndihesh kur kthehesh në Shqipëri?
Elsa Lila: Më mbush me mall për tokën time.
Si u ndjeve kur pe disa nga komentet negative për ty?
Elsa Lila: Ishte e vështirë kur lexova komente të tilla, por i fal mëshirë atyre që shkruajnë pa u ndalur të kuptojnë të vërtetën.
A do e riktheje një dashuri të humbur?
Elsa Lila: Jo! Kur një ndjenjë ka përfunduar, është më mirë të mbetet aty.
A je single apo në çift?
Elsa Lila: Single!
