Rozana Radi ka reaguar me emocione të forta ndaj lajmeve të rreme që qarkulluan pak ditë më parë në rrjet, ku pretendohej se ajo kishte ndërruar jetë.
Gjatë një interviste në emisionin Goca dhe Gra, këngëtarja dhe moderatorja tregoi se lajmi i rremë shkaktoi panik dhe shqetësim te njerëzit e saj të afërt.
“Po bëja dush dhe kur dola më kishin ardhur mesazhe. Thashë: po mirë jam, pse po më pyesin të gjithë?” – u shpreh ajo.
Një nga momentet më prekëse, sipas saj, ishte mesazhi nga mësuesja e fillores, e cila i kishte dërguar një audio duke qarë:
“Shyqyr që je gjallë, po dridhem, jam në punë dhe nuk po punoja dot. Shyqyr o Zot”.
E revoltuar nga situata, Rozana Radi ngriti shqetësimin për mungesën e kufijve në publikimin e lajmeve të rreme dhe bëri thirrje për më shumë mbrojtje ligjore.
“A kemi një ligj që na mbron? Nuk ka asnjë limit, ka ndodhur me shumë personazhe,” tha ajo.
Në fund, artistja pati edhe një mesazh ironik për personin që publikoi lajmin:
“I them atij personit që e ka publikuar, uroj ta kesh jetën shumë të gjatë, megjithatë… do rroj tre ditë më shumë se ty.”