TIRANË– Nëse ju ka kapur vapa dhe spo gjeni një zgjidhje sesi të hidratoheni, ju kujtojmë se përveç ujit apo lëngjeve të tjera, shalqiri është i duhuri për këto ditë të nxehta.
Shalqiri është fruti hidratues më i dashur në stinën e verës, i pasur me vitamina dhe minerale, është ideal për të rimarrë substancat e humbura me djersitjen. Ka efektin të na bëjë të ndihemi të ngopur ndërkohë që kemi marrë minimumin e kalorive. Është fantastik për dietë.
Ky frut është i shijshëm, i freskët, ka cilësi pa fund, por në fakt, është edhe më i çmuar se ç’mendojmë.
Burim i kripërave minerale të rëndësishme si potasiumi, fosfori dhe magneziumi, përveç vitaminave, sidomos vitaminës C, shalqiri është i pasur me antioksidantë si beta karoteni dhe likopeni./Radar.al