Seanca për çështjen e ish-ministrit të Shëndetësisë, Ilir Beqajt është shtyrë për në 29 dhjetor.
Gazetarja Anila Hoxha bën me dije se në këtë datë pritet të jepet qëndrim nga gjykata për kërkesat e ndërmjetme dhe për gjyqin paraprak.
Ish-ministri i Shëndetësisë Ilir Beqaj ditën e sotme kërkoi heqjen e masës së ndalimit për të dalë jashtë vendit që e ka në këtë dosje duke u shprehur me fjalët “Meqë ia hoqe Berishës, ma hiq edhe mua”.
Por gjykata e rrëzoi kërkesën.
Siç na raporton dhe vetë gazetarja e Top Channel, Anila Hoxha, tetë të pandehur kërkuan gjykim të shkurtuar.
SPAK tha më tej se nëse pranojnë gjykimin e shkurtuar të të gjithëve, atëherë sugjerojnë ndarjen e çështjes, pra që ish-ministri Beqaj të gjykohet veçmas nga 8 të akuzuarit e tjerë.