Bota e robotikës po përparon me shpejtësi dhe robotët humanoidë po bëhen dalëngadalë pjesë e të rutinës sonë.
Në Konferencën e fundit për Mësimin e Robotëve, u zbuluan disa mjete të reja për t’i bërë robotët me Inteligjencë Artificiale më të zgjuar dhe më të aftë.
Mësohet se robotët tashmë janë duke u projektuar për të trajtuar detyra si kujdesi për fëmijët dhe kryerja e punëve.
Por një ide e re e guximshme ka ndezur goxha debat nëpër rrjet: ekzistenca e robotëve shtatzënë.
Ky koncept ngjason si fantashkencë, por mund të jetë një mundësi e madhe.
Imagjinoni një robot të krijuar për të vepruar si një mitër artificiale, duke mbajtur një fëmijë, që nga konceptimi deri në lindje.
Për gratë që përballen me shtatzëni me rrezik të lartë, kjo shpikje mund t’ju ndryshojë jetën. Për të tjerët, mund të ofrojë lirinë për të balancuar karrierën, qëllimet personale dhe prindërimin.
Por kjo është një ide që ngre shumë pikëpyetje nga mbrapa: Nëse një teknologji e tillë bëhet e disponueshme, a do të jetë e aksesueshme vetëm për ata që mund ta përballojnë atë? A mund të thellojë pabarazitë midis atyre që kanë akses në robotikë të avancuar dhe atyre që nuk kanë?
Dhe përtej barrierave financiare, po në lidhje me aspektin emocional të shtatzënisë? Shumë njerëz e shohin shtatzëninë jo vetëm si një proces biologjik, por një udhëtim thellësisht personal dhe emocional që forcon lidhjen midis prindit dhe fëmijës. A mund ta zëvendësojë ndonjëherë një robot?
Ekziston gjithashtu shqetësimi më i gjerë se si kjo mund të riformojë konceptin e prindërimit. A do të merrnin robotët role më intime në jetën familjare, përtej ndihmës për lindjen e fëmijëve? A mund të çojë kjo në një botë ku lidhja njerëzore zëvendësohet nga teknologjia, madje edhe në aspektet më personale të jetës?
Ndërsa ideja e robotëve që mbajnë shtatzëni është emocionuese për disa, është gjithashtu thellësisht shqetësuese për të tjerët.