Agjencia e Mbikëqyrjes Policore ka pezulluar nga detyra dy efektivë të Policia e Shtetit në Dibër, pasi dyshohen për veprën penale të shpërdorimit të detyrës.
Sipas njoftimit zyrtar, ndaj tyre janë caktuar masat e sigurisë “pezullim i ushtrimit të një detyre a shërbimi publik” dhe “ndalim i daljes jashtë shtetit”, me urdhër të Prokurorisë pranë Gjykatës së Shkallës së Parë Dibër.
Dy efektivët e pezulluar janë punonjës pranë Drejtoria Vendore e Policisë Dibër dhe Komisariati i Policisë Bulqizë.
Hetimi lidhet me ngjarjen e 10 marsit 2026 në Bulqizë, ku gjatë një sherri me thika mbetën të plagosur rëndë tre persona.
Sipas AMP-së, nga veprimet hetimore ka rezultuar se punonjësit e policisë nuk kanë përmbushur detyrat funksionale në zbatim të ligjit për Policinë e Shtetit.
Hetimet vijojnë për zbardhjen e plotë të ngjarjes dhe për të verifikuar përfshirjen e mundshme të punonjësve të tjerë.