Goditet grupi i trafikantëve të drogës të drejtuar nga shqiptarë.
Autoritetet greke kanë vënë në pranga 9 persona gjithsej.
Banda përbëhej nga 4 shqiptarë, një zyrtar i Prefekturës së Greqisë Perëndimore, një shofer ambulance, një punonjës i Universitetit dhe një zjarrfikës, të gjithë shtetas grekë, që bashkëpunonin me shqiptarët për tregtinë e kokainës dhe marijuanës. Drejtuesi i grupit kriminal ishte një 49-vjeçar shqiptar.
Dosja hetimore përmban edhe 30 shtetas të tjerë, mes të cilëve një polic, një tjetër zjarrfikës dhe dy zyrtarë të pushtetit lokal.
Sipas policisë greke, grupi kriminal shiste lëndë narkotike me doza në Patra.
Disa prej klientëve të tyre ishin zyrtarë publikë ndërsa në disa raste vendi i shitjes ishte kthyer Universiteti i Patrës për të shmangur kontrollet policore.