Një ngjarje e rëndë ka ndodhur së fundmi ku një grua dyshohet se shiti foshnjën e saj për 2000 euro një çifti që kishte probleme fertiliteti.
Ngjarja mësohet të ketë ndodhur në spanjë ku gruaja 37-vjeçare ra në pranga në Mostoles, në periferi të Madridit, sipas njoftimit të policisë.
Ndërsa çifti që mori foshnjën, si dhe dy të afërm të tyre, u arrestuan gjithashtu në Kordobë, në jug të Spanjës.
Nga hetimet e bëra konkludoi se nëna shiti foshnjën e saj të porsalindur për 2.000 euro te çifti, por më pas u pendua që e kishte shitur vajzën e saj ndaj kërkoi që ta merrte mbrapsht.
Çifti refuzoi pasi nëna nuk i kthente as shumën e shitjes së foshnjës, as 1.000 eurot që ata kishin shpenzuar shtesë për shpenzimet e qëndrimit të saj për një muaj në Kordobë.
Hulumtimi filloi kur gruaja 37-vjeçare, nënë e gjashtë fëmijëve të tjerë, kujdestarinë e të cilëve ia hoqën në vitin 2022 pas një denoncimi nga shërbimet sociale për neglizhencë, depozitoi një kallëzim, duke pretenduar se një familje në Kordobë i rrëmbeu foshnjën.
Përkujdesja për foshnjën u besua një qendre mbrojtjeje për fëmijë në Kordobë.