Së fundmi është zbardhur dëshmia e të shumëkërkuarit të drejtësisë, Xhevdet Plaku, i cili u vu në pranga policia e Durrësit, teksa drekonte në një restorant luksoz, në Gjirin e Lalëzit.
Ora News raporton se Plaku ishte arratisur nga burgu në Itali dhe arriti të hynte teritorin Shqiptar, ku qëndronte mjaft i qetë mes personave me precedent penale dhe të armatosur, duke konsumuar dreka e darka së bashku në ristorante luksoze.
Gjatë kontrolleve të ushtruara në banesën e tij ku Plaku qëndronte me qera, policia sekuestroi dy blloqe shënimesh, përmpajtja e të cilave ende nuk dihet, 1470 euro dhe 4 aparate telefoni.
Po ashtu në momentin e arretsimit nga efektivët e policisë, Plakut i është kapur një pistoletë prodhim amerikan “SigSauerP320 M17”, të cilin ai e mbante me vete në çantën e tij personale.
Por në dëshminë e dhënë para hetuesve ai ka shpjegur duke gënjyer grupin e hetimit se pistoleta nuk i përkiste atij, por një personi tjetër me nofkën “Çoli”.
Në rrëfimin e tij, Xhevdet Plaku ka treguar se:
”…nuk kam pasur armë me vete dhe nuk kam pasur dijeni që ndonjëri nga personat që ndodheshin në shoqërinë e time në tavlinë, kishte armë zjarri ose ishin në kërkim nga policia. Nga personat e pranishëm në lokal njoh vetëm Voltan Xhanin dhe vëllain e tij, me emrin Gert Xhani, si dhe një tjetër person që e thërrisnin “Çoli”, emrin e të cilit nuk e di. Të tjerët nuk i njoh dhe nuk kam pasur ndonjë lidhje me ta…”.
Më tej Xhevdet Plaku e pohon se arma u gjet në çantën e tij por sërish këmbëngul se nuk I përket atij.
“…është e vërtetë që arma u gjet në çantën time, por ajo nuk më përket mua. Pasi pak para mbërritjes së policisë, personi i njohur me emrin “Çoli”, ma ka dorëzuar pistoletën duke më thënë: “…mbaje pak te çanta….”. Unë e futa brenda pa ditur për pasojat…”.
Sipas tij, këtë fakt e ka konfirmuar edhe vetë personi që njihet me nofkën “Çoli”, përpara punonjësve të policisë në momentin kur arma është gjetur gjatë kontrollit.
Ndërkohë lidhur me gjetjen e dy aparateve celularë në çantën e tij dhe katër të tjerëve në banesën familjare, Xhevdet Plaku, deklaroi se telefonin që kishte me vete nuk e di si hapet, pasi nuk e njeh kodin.
Ndërsa për sendet e tjera të gjetura në banesën e prindërve të tij ka deklaruar se nuk është në dijeni, pasi prej rreth gjashtë vitesh nuk ka shkuar në atë banesë, për shkak se ka qenë rezident në Itali.